Керем

Бу дуньяда учь неснеден къоркъарым, аман,
Бир айрылыкъ, бир ёкъсузлыкъ, бир олюм.
Ич биринден асла гонълюм хош дегиль, аман,
Бир айрылыкъ, бир ёкъсузлыкъ, бир олюм.

Геле-геле гельдик шу къара таша, аман,
Языланлар гелир бу гъариб баша.
Асрет къойды бизни къавм-къардаша,
Бир айрылыкъ, бир ёкъсузлыкъ, бир олюм.

Чокъ сулейманлары тахтан эндирди, аман,
Ниджелернинь гуль бенъзини солдурды,
Ниджелерни гельмез ёла гондерди,
Бир айрылыкъ, бир ёкъсузлыкъ, бир олюм.

Гидерим-гидерим, ёлум дукенмез, аман,
Дёнерим бакъарым, селям горюнмез.
Эм асретлик, эм гъурбетлик бирден чекильмез,
Асрет къыямете къалдым, я бен нейлейим.

Дертли Керем идер хондыкъ кучульмез, аман,
(Вар.: Дертли Керемнинъ дертлери седжильмез)
Аджджыдыр эджель шербети, ичильмез.
Асрет къыямете къалдым, я бен нейлейим?
Атыш, Керем, туташ, Керем, ян, Керем.